ကျေးဇူးသိတတ်ဖို့
“ကျေးဇူးတင်ပါတယ်” ဆိုတဲ့စကားစုလေးက ရိုးရှင်းပြီး အရမ်းကို ချစ်စရာကောင်းပါတယ်။
တစ်စုံတစ်ယောက်က ကိုယ့်ကို ကျေးဇူးတင်ကြောင်းပြောတဲ့အခါမှာ ကျေနပ်ပီတိဖြစ်ရသလို ကိုယ့်အနေနဲ့လည်း ကျေးဇူးတင်စကားကို လှိုက်လှိုက်လှဲလှဲပြောဆိုဖို့ မတွန့်တိုသင့်ပါဘူး။
တစ်ပါးသူကို ကျေးဇူးတင်ဖို့ တွန့်တိုတတ်သူလေးက ဘယ်လိုပျော်ရွှင်မှုတွေ ဆုံးရှုံးသွားခဲ့ရသလဲ။ ကျေးဇူးတင်စကားက ဘာကြောင့်အရေးကြီးတာလဲ ဆိုတာကို “ကျေးဇူးသိတတ်ဖို့” ဆိုတဲ့ ပုံပြင်စာအုပ်လေးထဲမှာ ချစ်စရာကောင်းတဲ့ ယုန်လေးနဲ့ သရုပ်ဖော်ပေးထားပါတယ်။
ကျွန်မတို့ရဲ့ ရင်သွေးလေးတွေ ကျေးဇူးတရားကို သိတတ်နားလည်စေဖို့၊ ကျေးဇူးတင်စကားကို မတွန့်တိုစေဖို့ “ကျေးဇူးသိတတ်ဖို့” ဆိုတဲ့ ပုံပြင်စာအုပ်လေးကို ဖေဖေမေမေတို့က သားသားမီးမီးလေးတွေကို ဖတ်ပြပေးဖို့ တိုက်တွန်းလိုက်ရပါတယ်။
“ကျေးဇူးသိတတ်ဖို့” ဆိုတဲ့ ပုံပြင်စာအုပ်လေးကို အင်္ဂလိပ် - မြန်မာနှစ်ဘာသာနဲ့ True Learning မှ ထုတ်ဝေလိုက်ပါတယ်။