ပညာပေးအိပ်ယာဝင်ပုံပြင်များ (၁)

မေမေတို့ရေ ကျွန်မတို့ရဲ့ သားသားမီးမီးလးတွေကို ကလေးဘ၀ကတည်းက ယဉ်ကျေးလိမ္မာစေဖို့ ၊ကိုယ်ချင်းစာတရားထားတတ်ဖို့ ၊လူတော်လူကောင်းလေးတွေဖြစ်လာစေဖို့ ၊ သနားကြင်နာတတ်စေဖို့ စတာတွေကို သင်ကြားပြောပြပေးကြပါတယ်။

ဒီလိုမျိုးသင်ကြားပြောပြပေးတဲ့အခါမှာ နည်းလမ်းမျိုးစုံနဲ့ ကျွန်မတို့ မိဘတွေက ပြောလေ့ရှိကြပါတယ်။

ကျွန်မတို့တွေငယ်စဉ်ကလည်း ကျွန်မတို့ရဲ့ မိဘတွေက လိမ္မာယဉ်ကျေးစေဖို့ကို ညအိပ်ရာဝင်ပုံပြင်လေးတွေပြောပြရင်း သင်ကြားပေးခဲ့ပါတယ်။ အိပ်ရာဝင်ပုံပြင်ပြောပြတဲ့ အလေ့အကျင့်လေးကို မပျောက်ကွယ်သွားစေဖို့နဲ့ ကလေးလေးတွေကို လိမ္မာယဉ်ကျေးစေဖို့ သင်ကြားပေးတဲ့အခါ တစ်ဖက်တစ်လမ်းကနေ အထောက်အကူဖြစ်စေဖို့အတွက် ရည်ရွယ်ပြီး ဒီပုံပြင်စာအုပ်လေးကို ထုတ်ဝေလိုက်ရပါတယ်။